 |
| Praeses HKBP Distrik VII Samosir |
GREENBERITA.COM- Kendi dan Gunsi: inganan ni Panginuman: Aek, tuak, anggur namansai Tabo, Sian tano namura matapor jala mangargar do kendi, manang gunsi pinauli ni pande i, Ndang pola leleng tahan gogona. Holan tampar mangargar, ido. Ummarga do nadibagasanna sian ibana.
Inganan ni panginuman, naingkon pataruon do tu pamangan ni sasahalak asa boi ibana minum, tung sombu ma uas ni namanginumsa, atikpe dang dohot gunsi mandaisa. Asa pamanat ma jolo pangisi ni gunsi i, sipota ummarga do pangisina sian gunsi i sandiri. Atik pe namura matapor i, mampanghorhon do pangisi ni gunsi i mambaen semangat, hipas pamatang. Ala ni i Pangisi na i do naniingot ni jolma i apalagi molo nunga hipas ibana. dang apala gunsi i sandiri.
Gunsi inganan namura matapor do jolma i
Pembelaan diri ni Apostel Paulus do on tu angka alona nasai mangalo (menyerang) ulaonna songon parbarita nauli di Korintus. Ai molo diingot nasida pangalaho hajahaton ni Paulus, pangaleleonna tu angka halak Kristen i di Yerusalem 9jaha Ul 9:4), sahat tu namapitung ibana. Dang mungkin ulaon ni Paulus angka na denggan i di roha nasida, alai on ma pembelaan ni Apostel Paulus, songon gunsi namura mura matapor do ibana, dang ibana naringkot alai pangisi na i do mambaen marlapatan ibana. Pangisina i do namambaen gabe marguna hadirionna.
Kristus Yesus do Pangisina
Asa Kristus do namangolu dibagasan Ibana. songon pangisina, anggur na tonggi ido mambaen semangat ngolu ni jolma i dang gunsi i, songon i do panghatindangion ni si Paulus, ai molo tajaha udut ni Ul 9 i, tutu parjahat do si Paulus i, dang marnida mata ni tondina, gabe mata na i do manegai, mamusa angka naburju roha i. Ido tano namura matapor i, dang marlapatan jala marjahati songon si Adam napinauli sian tano i. Dung pe dipitungkon Kristus i Ibana, dipauba ma mata parjahat i gabe mata naburju, dipauba ma mata ni rohana gabe imbaru, gabe sihaholongi Tuhan ma ibana mangula parsuruonna. Satongkin do umur ni gunsi i alai pangisina martahan sahat ro di ujungna, jala mangaleon haluaon salelelngna. Yesus Kristus Tuhan, ido pangisini Gunsi i, jala ido mambaen marlapatan gunsi i. Ai molo roI bana tu hadirion nami ala ni parasi ni rohaonna do i. dang ala ni malo nami dohot na jinou nit ua i di ngolu nami. Molo ditodo dirinta gunsi namatapor i gabe pamatangna, jala bagas joroNa maringanan dibagasanNa (1 Kor 3:16), holan asi ni roha ni Jahowa sambing dona mamarara ngolunta, aha ma nian hita jolma pardosa, ala nunga dihuphupi haholomon i hita, ido umbaen na ro anakNa nasada di ima Kristus Tuhan i, ro ma Jahowa panondangh atiuron ni di atas ni haholomon i, gabe marhatiuron.Songon i maYahowa mambon hatiurond i hadiriontaH amamate ni Kristus, nunga ditaluhon tu haheheon. Asa marhagogoon do Debatap paubahon naung mate i tu haheheon. Debata memiliki kuasa, dinamika bagai dinamit yang memiliki daya pendobrak dari atas dan bawah. Paulus mandok, nunga dibagasan hita hamatena i, gabe huingot dagingku songon gunsi namatopar i boi diubah debata songonh amatena berubah gabe haheheon (kebangkitan). Asa molo tajalo hamamatena dibagasan dirinta ingotonta ma jala porsea hita songon jolma namate dipahehe tu haheheonn amanontong, Ima arga ni hadirionta gunsi namatapor i, Ido asa didok: Halak nadibagasan Kristus gabe natinompa naimbaru ma i, nunga salpu naleleng jala naholom i gabe naimbaru (Siapa yang ada dalam Kristus Dia adalah ciptaan baru, yang lama sudah berlalu, yang baru sudah datang)
Dia na Nidokna?
Tutu angka jolma namatapor, do hita, dang marlapatan, dang tahan mangadopi sitaonon dohot angka namasa. alai tung holong do roha ni Debata diangka parjahat i, olo Ibana mian di hadosaonta, di jolma naburuk i, na matapor i, naung dipaimbaru gabe mampu bertahan di tonga tonga ni ngolu on ido asa didok: Ditindas. tidak terjepit, Habis akal tapi tak putus asa, Open trouble but not crushed, Dianinaya namun TDK ditinggal sendiri, In doubt never in dispair, Dihempas namun tidak binasa. Gb margogo ala hamamatena ma golu di hami
Dang adong sipangasahononta
Holan ibana ma sipangasahononta, asa memiliki harga dohot kemampuan hita lao mangubas aluhut situasi dohot namasa. Gunsi namura matopar i dang mararga hita, holan ala ni argan i Tuhan i, olo di bagasan hita ido mambaen gabe marlapatan, jala mararga hita , dung jolod iisi arta naarga. tartarik au di kalimantan manuhor sinsin bosi puti, hurang arga do nian, alaia la hira berlian juljul diginjang gabe menarik, laku do sinsin on, huida ma sinsin on dang disib e mata hira berlian i, dalong, gabe hubolongkon ma sinsin i, molo adong hepengku,h utuhor matana, gabe marlapatan ma muse sinsin i. Jolma pe mansai arga atik pe godangh ahurangan songon si paulus, ala ni Debata, paubahon dirina, matana, gabe mata rohanig Nabe mamboan nauli, ala mian Kristus di ibana. Au ma di Ho, Ho ma di au, hita nadua gabes ada dibagasan Yesus Kristus,
Ia Ula Namura Matapor alai Marguna, Pasu Pasu tu Sude Natinompa
Dang adong lapatan ni gunsi naarga i , molo so dipangke, songon i ma jolma i, dang marguna molo so tarpangke, ido asa dipangido asa gabe habaoran ni pasu pasu ho tu liat portibi on, gunsi, sangkir, parhitean mamboan aek tu pamangan ni jolma, ho mamboan pasu pasu tu saluhut jolma, mamboan angka natonggi tu halak, disima ibana gabe habaoran ni pasupasu. Gabe marsangap ma Debata ala ni haradeaonna gabe habaoran ni pasupasu. dibaen i unang sombong, unang cengeng, unang jual mahal, ende: Ula na denggan tu halak sude, songon binaen na tu ho, baen ma au parhiteanmu pasupasuM mabaor ma i, ale Tuhanku patupa ma au, baen pasupasu tu dongan sude.
Amen.
(Penulis saat ini melayani sebagai Preases HKBP Distrik VII Samosir)
