 |
| Preses HKBP Distrik VII Samosir |
GREENERITA.COM- Jamita Minggu, 23 Juni 2024, “Jou jou tu Jahowa di hagogoton Nasida i” Berseru kepada Tuhan dalam Kesesakan (Psalmen 107:23-32)
I. Patujolo
Dang napesimis Hita di ngoluon, alai tangkas do gok hasusaan do portibion, di darat tano, dohot tao, laut dohot hassang hassang, masa hagogoton tu dia do hita marhaporusan? Mangelek Tao? Manang manomba huaso ni portibi? Ise do na manompa portibion dohot laut, Tao Nang pangisina?turpuk sadarion mangarahon dohot mangajari hita.
II. Huaso dohot pasu pasu ni Jahowa di aek, Tao, laut dohot jadijadianna dibagasan
Molo tajaha di Jona 1, dirimpu jolma i do dang sahat tu Aek dohot laut huaso ni Jahowa, Gabe laut dibaen inganan parbunibunian ma manulak ulaon Sian Debata. Hape Jahowa do namanompa Aek, Tao dohot laut i (1 Musa 1:9) ro di sude pangisini laut dohot tao i (1 Musa 1 :20-21). Debata patupa jadi jadianNa , halongangan dohot nabinaenNa dibagasan lung (tempat yang dalam). Namarhuaso do Debata di Aek, Tao Nang laut i, marhuaso do mardalan Yesus di ginjang ni Aek i (Mat 14:28-29). Marhuaso do Ibana patupa aba haba natimbo dohot nametmet, marhuaso do Ibana marhata tu alogo dohot tao galumbang gabe menak (ay 26). Guru dokna do hape alogo dohot tao. Molo taringot barita ni sisean namarparso dohot Yesus naeng lonong ma parao Nasida, tongon Yesus modom, alai dialuhon Nasida tu Yesus Gabe hona Hata alogo dohot galumbang i Gabe menak (Mat 8:26). Godang ma jumpang pasu pasu pangomoan Sian Tao, laut i. Di Turpuk on pe dipatolhas di ayt 25 Godang ma namarboniaga, torop jolma patupa tamasya, ala jumpang do hinauli, keindahan alam sahat ro di lung (naumbagas situtu), adong terumbu karang dohot ikan hias, ragam angka nauli, torop penyelam air lao menikmati keindahan. Dipiga inganan laut, Tao inganan pangomoan, manghail, martigatiga diatas ni laut. Adong napatupa hotel disi. Ompunta najolo manjanghon asa Unang sembarangan tu. Tao dohot laut, Aek, Unang mandok hata na so denggan, Hata na roa, haru marsitijur dang boi, sandok ingkon diramoti ma Tao Nang laut i, ido asa dang boi mambuang sampah sembarangan unang mate jala sega natinompa ni Debata i, panghorhonna Gabe tersiksa jolma namanghasabamhonsa dibaen i ingkon dijamothon ni sude jolma (Pat 1 Musa 2:15),
III. Haba Haba Galumbang, Ise Haporusan?
Masa do galumbang nabalga hehe haba haba, boi mamolsak jolma i, ise ma tutu na so mabiar, ala boi pamatehon? Motor (pusing) lalo lalo songon parmabuk (terhuyung huyung) ay 26-27, dang adong natuk mangambati, dang mampu strategy ni jolma manaluhon (patudos si Jona) i, tu ise haporusan di hasusaan on? Mangelek Tao? Pangisi ni laut? On do namasa nuaeng, the end justify the mean Penghalalan cara, umporsaan tu Begu dohot Tondi ni Ompu pangisi ni Tao, Gabe dipatupa uluan sipanganon, demban Tiar, asa Tiar Nina? Ido namasa di Tao Toba uju manongnong kapal sinar bangun Juny 2018 nasalpu, Sian Simanindo tu Tigaras ala ni alogo dohot galumbang pola marratus namago dohot namate, alai najumorbut Debata do namanompa songon natajaha di ayat bibelta di ginjang i? hape tu leluhur Begu dohot huaso ni ompu do dielek, sombaon? Marambalanhan tahe?
IV. Ai Sadia Leleng Nari Laos So Putus Rohami? Marhaporusan ma tu Jahowa
Endenta BE HKBP 392:1
Ai sadia leleng nari laos so putus rohami? Unang toishon, sotung salpu tingki parasian i. Sai pasiat Tuhan Jesus, jangkon i tu rohami. Nunga tingki parasian so tung Sanga salpu i? Tuhan Jesus Mangontang manjujui, manungkun Hita? Ai sadia leleng nari, sampe andigan nari pe asa mulak roham tu Tuhan i? Ai dang Taboto jempek ni ngoluon? Ai so Hita nampuna tingki, belum tentu tingki sadarion, sogot tingkim, boasa dope so tandaonmu Tuhan i di ngolum? Jumpa masa hagogoton, namanosak ho, Nang uju di Tao, laut dohot Aek? Boasa sai maporus tu Debata sileban, huaso ni portibion di hasusaan na Ampe tu ho? Ai tuk do i mangurupi ho? Boa do tarpatupa ni namate mangaleon gogo, dohot ngolu ngolu tarlumobi pasu pasu, haluaon tu ho? Jou ma Jahowa di hagogotanmu, malua ma ho jala sahat tu labuan na sonang. Idama si Jona dipalua Jahowa molo manosak galumbang i. Idama sisean namangido tuJaesus uju naeng lonong, hona Hata laut i galumbang i Gabe so. Ida ma ditoru Pat ni Jesus galumbang ni Tao i? Boasa Tao elekon, Tao urason, huaso ni portibi jou on? Ayt 28: dung i jou jou ma Nasida tu Jahowa di hagogoton Nasida i, jadi diparuar Ibana Nasida Sian hadosahan Nasida i, dipadohot haba haba, di Paso dohot galumbang, (ayt 29). Dipadohot haba haba Gabe mardemak, ditogihon Ibana tu muara (pelabuhan) lomo ni rohaNa. Jou ma Ahu jumpa di Ari hagogotan asa hupalua ho asa dipuji ho Ahu.Ido nanidok ni Ende koor ta i: Nang gumalunsang angka laut ro pe nang halisungsung i, lao mangharophon solukki, Dang be mabiar au disi mangalugahon solungki ai Tuhanku donganhi. Hatop marlojong do solungki tu labuan na sonang, na so Adong hasusaan Disi. Ala di Tuhanku malua au sian hagogotanhu. Jou ma Ibana. Amen.
Tuhan mamasu masu.
Pangururan, 22 Juni 2024
Salam Diakonia!
Pdt. Rein Justin Gultom, STh, MA
