 |
| Pdt. Rein Gultom |
I. Patujolo
GREENBERITA.com- Martiti be do saluhutna di portibion, adong tingki tubu adong tingki mate (Parjamita 3) jempek do ngoluon, jempek do Nang umurta be, par pesalmen mandok sintap ni 70 taon do lobi sian i hangaluton do na tubu. Dang naeng pesimis Hita di ngoluon songon pandok ni nadeba Carpe diem: 'petiklah hari itu, patupa lomom binsan huasom, pangani sude si mate do, salpu do sude. Songon i do tutu? Salpu Tingki ni ngolunta salpuhononta ma sude?'
So pola ringkot mamparsiaphon pangapudian sogot? songon Dia di halomohin Debata Sian si Musa dihatuaonna, parrohahononna do pangapudianna singkat ni ulaonna? Songon dia ibana mampetsiaphon i? Ido naeng tasigati di turpuk on
Ii. Parade nadumenggan nagihohan ni Tondi
Ditodo Debata do si Musa mamboan bangso ni Debata haruar Sian parhatobanon Mesir masuk tu tano Kanaan na gok susu dohot si tuak ni loba. Atik PE msngadopi gok ni hamaolon parhatobanon i Sian Raja Parau i, Satia do si Musa mangoloi tona dohot pwnguluhonon ni Debata.
Alai di na lam matua ibana umur ,120 taon, manguluhon Israel. Mamboan, marmudu Israel tu parsuruon ni Jahowa. Dang boi be ibana tolhas mamboan bangso i tu tujuan ni pardalanan i Ima Kanaan na gok susu dohot situak ni loba, tano nabinagabagahon tu Ompu Nasida, holan manatap nama ibana Sian Dolok hamateanna Dolok Nebo i, Sihol do Rohana nian Lao tolhas alai ala ni dosa pangaloona tu Debata di Meriba hatihai i holan manatap ma ibana Sian Dolok i.
Diparsiapjon (kaderisasi) regenerasi
Dang lomo roha ni Debata mate Pusuk sangkap i. Dang lomo roha ni Musa sintap di ngoluna perjuangan i, jala dang ingkon ibana pasahathon dohot pasidunghon tujuan i, Kanaan na gok susu dht situak ni loba i, adong do dipersiaphon Jahowa tusi sipabotohononNa
Di ayat 20, ditatap jala dipersiaphon do ise ma singkatna tu jolo, mamboan sangkap i? Ima Yosua na gok Tondi Parbadia.
"Take Joshua son of Nun, a man in whom is the spirit of leadership,and lay your hand on him. 19 Have him stand before Eleazar the priest and 20 Give him some of your authority"
Sian on boi idaonta ise do uluan naeng manguduti kepemimpinan ni Yosua i? Dang nepotisme, jala ingkon Sian keluargana, alai Sian lomo ni roha ni Debata, halak naginohan ni Tondi Parbadia do. Ido didok Debata todoonna pillitonna manorushon parjuanganna mamboan tujuan.
Napistar mandok The leadership ( kepemimpinan ) to achieve the goal ima: tano Kanaan na gok hasonangan susu dohot situak ni loba. Tudia ma bangso i naeng boanon, asa dang tu sangkap ni roha, alai tu hasonangan na pinatupa ni Debata.
III. Uluan (pemimpin) naginohan ni Tondi Parbadia
On ma kriteria melanjutkan kepemimpinan digohi Jala diuluhon Tondi Parbadia. On dapot di hadirion ni Josua molo tapaihit ihut Sian haposoonna rap dohot Musa. Debata namempersiapkan dohot namamillit Josua mulai Sian dihadakdanahonna nunga dipillit Jahowa ibana, songon pandok ni Yesaya i, nunga ditodo ho si Sian siubeon ni dainang
Molo tapaihut ihut hadirion ni Josua tajaha di buku Nabadia i uju dihaposoonna PE nunga diparangehon ibana parbue ni Tondi Parbadia do ngoluna (Gal 5:22), tandi sikap haunduhonna, hasatiaonna tu Debata, dohot holong ni Rohana tu uluanna, Musa. Ido asa dipersiaphon Musa ibana Gabe kader( 1 Musa 33:11), Gabe pembantu pribadi.
Jala nunga dilatih dan diberdayakan Musa ibana mengorgsniser Porang mangalo musu halak Amalek (2 Musa 17) namangambati sangkap tujuan tolhas tu Kanaan i. Sian haposoonna jolma nasatia do ibana maruluan, halak nasabar paimahon Musa tust Sian Dolok Sinai ( 2 Musa 39:40; 40:2,6,7). Tutu diajari Musa do Yosua asa marhalambohon (2 Musa 24:13), jala Satia tu Debata.
Asa molo didok di Kel 18:21
Di samping itu kau carilah dari seluruh bangsa itu orang-orang yang cakap dan takut akan Allah, orang-orang yang dapat dipercaya, dan yang benci kepada pengejaran suap;
Nunga jumpang i di Yosua
On do urat ni pamilliton ni Debata ala Satia ibana tu Debata, jala ditonahon ibana tu sude bangso i, asa dipillit Debata nasasadai di Yosua 24 alai anggo Ahu dohot donganhu sajabu ingkon Jahowa do dongannami. Jolma naginohan ni Tondi i jala rade diuluhon parsuruon Tondi Parbadia Ima dipabangkiton, sikaderon jadi pemimpin ke depan
IV Manguluhon hombat tu panguluhonon ni Tondi Parbadia
Tutu dihsasaor ni Tondi Parbadia, nunga digohi Hita sude jala ditodo Hita Gabe Bagas joro ni Debata, TondiNa Tondi Parbadia maringanan di Hita.
Dipasahat tu Hita ulaon manguluhon, sian parginjang sahat tu partoru, kepala negara sahat kepala dusun sahat tu kepala keluarga tahe, uluan Hita diganup ulaonta, denggan do tasingkun dirinta, sotung mson huasonta taparhuaso? Gabe sangkap ni hadirionta tapatau? Tarimpu ala ni gogonta mangalului jala sahat tu nagabe uluan Hita?
Gabe tarimpu holan Hita do natuk patupahon naummuli? Dang tapingkiri Israel ma Muse singkat manorushon parjuangan naummuli?
Hape martiti be do sude?
Dipaingot Debata Musa patupa dht mamillit kader ni Debata naginohan ni Tondi Parbadia, nadiperdispkan matang uju Sian siubeon ni dainang, di sihadakdanahon sahat dihaposoon, asa lam tu Ulina patupaonna parsuruon ni Jahowa, ditongos tonga ni ngolu, punguan, keluarga, huria dht bangso Nang portibinta, Gabe sahat Hita tu tano Kanaan i na gok susu dohot si tuak ni loba, durgo hasonangan dada holan sogot alai dohot di portibion. Sai olo ma ho diuluhon Tondi ni Tuhan i, nanilehon ni
Debata, Ima Tondi Parbadia, Anggiat ma
Tabe
( _Penulis saat ini melayani sebagai Praeses HKBP Distrik VII Samosir)_
